السلام عليكم
كيفكم ان شاءالله تكونون بخير ..
قبل شهر تقريباً جربت اطلب من موقع ماك الامريكي لأول مره ..
بأوريكم مشترياتي بعدين باحكي عن طريقه الطلب ..
صوره عامه للمشتريات
اشتريت روج واحد
و كونسيلر برولونق وير
وثلاث الوان شادو مفرده
باليت شادو صغير
وكوريكتر
الشادو والكوركتر اشتريتهم مفرده عشان اركبهم في الباليت ..
كونسيلر برو لونق وير اخترت درجه ان سي 20 مايله للاصفر شوي سعره 21 دولار
باليت يكفي اربع شادوات ب 8 دولار
احترت بالارواج صراحه وكان في بالي روبي وو وكانوا توهم منزلين روج رول وطلبته لكن للاسف بعدين ارسلوا لي وقالوا انه انتهى وبيوفرونه بعد اسبوعين لو كنت ابغى استنى الشحنه لكني كنت مستعجله قلت رجعوا الفلوس للبطاقه ..
الروج ب 16 دولار ..
عينه برايمر
الشادو اخذت ثلاثه الوان
نايلون لونه لؤلؤي و اسبيرسو ناويته للحواجب و رول مناسب ك لون انتقالي برتقالي :) .. اللون الواحد ب 10 دولار
و الكوركتر اسمه بيور اورانج ب 14 دولار
الالوان اغمق في الحقيقه بالتصوير صايره باهته ..
نجي لطريقه الطلب ..
الموقع يقبل الفيزا السعوديه استخدمت الاهلي ..
و يقبل شركات اعاده التوجيه شحنتها ع عنواني الامريكي في وورلدشيب ..
وحسب علمي فهو مايشحن دايركت ..
التسجيل في الموقع جدا سهل تعبين بياناتك والعنوان زي اي موقع ثاني ..
موقع ماك من المواقع اللي ياخذون ضرايب ع الطلب ..مااذكر كم كانت بالضبط لكن كان نوعا ما بسيط
الشحن مجاني من 3 الى 9 ايام ..
لكني كنت ماخذه شحن سريع ولا اذكر قيمته صراحه ..
وصل الطلب لبريدي بعد 5 ايام اعتقد ..
الحمدلله كل المنتجات وصلتني سليمه ..
بعض البنات يشتكون انهم اذا طلبوا ارواج منهم بالصيف توصل ذايبه .. اعتقد هالشي يرجع لنوع الروج اذا كان كريمي جدا مثلا و برضو كم جلست الشحنه بالتخزين لحد ماتوصلك قد ياثر هالشي ف لو كنتي تبغين تطلبين ارواج كريميه الافضل تطلبينها بالشتاء :)
بالنسبه للاسعار ف هي اكيد انها ارخص من السعوديه خصوصا بالارواج و الشادو ..
فلو كنتي تنوين تطلبين منتجات كثير راح توفرين ()
ام لو قطعه او قطعتين يمكن ماتوفرين كثير لان الشحن راح يكلفك نوعا ما وهالشي يعتمد على اختيارك لشركه الشحن اللي تتعاملين معها سواء واصل او ارامكس او الوورلد شيب وهكذا ..
هذا
و بس :)
نشوفكم في بوستات ثانيه ان شاء الله ()
اسعد بتواصلكم ::
ايميل : Aljawharah36@gmail.com
انستقرام : @joj36
تويتر : @aljawharah_al
جوهره شلون اخوك اللي كاتبه عنه فالبايو ، والله يغفر لوالدك ويرحمه ويسكنه الفردوس الاعلى من الجنه بلا حساب ولاسابق عذاب :( .
ردحذفاللهم امين الله يجزاك خير وشكرا ع السؤال ي جميله ..
حذفاخوي على حاله الله يشفيه ويعافيه ويبشرنا بعافيته قريباً يارب ()
جوهره شلون اخوك اللي كاتبه عنه في البايو ، والله يغفر لوالدك ويرحمه ويسكنه الفردوس الاعلى من الجنه بلا حساب ولا سابق عذاب :( .
ردحذفالروج يعني استقريتي ع روبي وو ?! لان الروج عجبني وابغى اسمه. وتتهني بمشترياتك
ردحذفاهلين ي حلوه الروج روبي وو
حذفعزيزتي الموقع الامريكي الان مانقدر ندخل عليه يحولك على موقعه السعودي
ردحذفوالموقع السعودي مافي تسوق اون لاين