عيديتي لكم : اساسيات الميك اب + لوكات ونصائح () - للمبتدئات -

السلام عليكم ..

كل عام وانتم بسعاده مقدماً .. ي رب تنعاد عليكم انتم واحبابكم () 

فيه وحده من متابعاتي على الانستقرام طلبت مني احكي ع الميك اب ..

ولا بغيت اردها ..

 ي رب تكونين استفدتي منه ي "ريناد " () 

بالمناسبه اليوم ممكن يكون ليله القدر لا تنسوني واخوي محمد ووالديني من دعائكم ..

والله يتقبل منا ومنكم صالح الاعمال ويجعلنا ووالدينا واحبابنا من العتقاء من النار ..

بسم الله نبلش ..

اممم ما ادري شلون اوصف لكم البوست .. لكن هو زي ماتقولون مقدمه عن اساسيات الميك اب ولوكات - للمبتدئات طبعا - 

اهم نصيحه ممكن اعطيكم اياها انو شوفوا لوكات كثير ..

ترا التغذيه البصريه مهممممه جدا وتلهمك بلوكات 💓

شوفو تتوريال باليوتيوب فيه قنوات كثييير حلوه 

وطبقوا !! 

لاتطبقين بعدين ! طبقي وانتي قاعده تتفرجين 

الانسان صدقوني ماينولد متعلم 😘..

على شوي شوي بتصيرين مره بيرفكت وتعرفين وش يناسبك وايش اكثر لوك يبرز جمالك وملامحك ..

لاتبالغين بالميك اب لكن عاد لاتصيرين بسيطه بزياده ! روج وبلشر 😅

اذا عرفتي الخطوات الرئيسيه والبيسك راح تبدعين وتمشين صح 💓

اهم شي بالميك اب النظافه 💓

وانك تاخذين درجه اساس مناسبه لك  او برونز ..

 وعلى طاري البرونز ترا مو لازم وجهك يصير بني ومبقع عشان تصيرين تان 😸

وموشرط التان دائما يناسبك 😁

الاحظ هالشي كثير على بنات الثانوي والجامعه ..

كل الناس مسوين تان يالله معهم خلونا نسوي تان بغض النظر طيب حلو علي ؟ مناسبني ؟ انا مختاره درجه حلوه ؟ ولا مختاره بني وكل الوجه صاير لونه كذا 😅 ولا درجه على اورنج 😅💔

نبدأ بميك اب الوجه بشكل عام ..

الاساس و الكونسيلر"خافي العيوب"

خلونا نتفق على نقطه ان مافيه شي ثابت بالميك اب " اقصد من ناحيه الخطوات" 

فيه بنات يحبون يخلصون مكياج العيون بعدين يبدأون بالاساس - هنا راح تضمن نظافه الاساس ..

وفيه بنات العكس تحب تخلص الاساس اول ثم تبدأ بالعيون ..

بالنسبه للاساس برضو الخطوات مختلفه ..

لو بشرتك جافه رطبي وجهك بكريم قبل لاتبدأين ..

لو كان عندك هالات واضحه وغامقه المفترض ان الترتيب يكون كذا -طبعا مو اجباري- 

"كوريكتر - كونسيلر - الاساس"

لو هالاتك بسيطه تحطين الاساس ثم الكونسيلر ..

بالنسبه للاساس لازم تعرفين شيئين اذا نويتي تشترين ..

هو مناسب ل اي بشره جافه - عاديه - دهنيه 

تغطيته - فل كوفر ؟ ميديم كوفر او خفيف ..

برضو حسب رغبتك لازم تحددين نوع الاساس اذا كنتي تحبينه مات " مطفي" تختارين ماركه توفر اساس مطفي ..

او تحبينه ديوي " خلينا نترجمها على اساس انه مشرق و شوي فيه لمعه " مو قليتر لا لمعه زي المويه مثلا " 

نقطه مهمه وانصح فيها جدا اذا نويتي على اساس جيبي معك علبه صغيره واختاري الدرجه اللي ناويه عليها وجربيها في البيت لاتحكمين اول ماتحطينها احكمي على اللون والدرجه بعد ساعتين ..

صورت لكم الاساسات اللي عندي حاليا وحابتهم .. وماصورت اللي ماحبيتهم ..

طبعا الموضوع هنا يعتمد على البشره بشكل كبير .. وممكن اللي يزبط معي مايزبط معك ..

في البدايه انا بشرتي فاتحه .. تميل الى انها تكون عاديه وجافه من عند الفم .. لذلك ابعد كليا عن الاساس الخاص بالبشره الدهنيه .. ليش؟

لانه راح يجفف بشرتي زياده ..

من اليسار هذا اساس من ريفلون اسمه كولور ستاي رائع تغطيته من فل كوفر الى ميديم حسب الكميه اللي تحطينها ..

اللي جنبه نفسه لكن اللهم انه للبشره الدهنيه قد اشتريته بالغلط .. وبالمناسبه اختي بشرتها دهنيه تقريبا وتستخدمه ورائع جدا ..

هالاساس  انا واخواتي معتمدينه من سنين طويله ..

لازم تنتبهين للغطا .. الللي للبشره العاديه+الجافه الغطا يكون فيه زي البلاستك الشفاف .. اما البشره الدهنيه يكون ساده اسود ..

الفينش حقه " المظهر النهائي " والله لا هو اللي مات مره ! ولا اللي ديوي لا يعطيك نظتره تقريبا ..

برضو تعليق صغير عنه انو اغلب الدرجات اللي عندنا بالسعوديه تناسب البشرات الفاتحه  يعني مافيه تنوع بالدرجات بالنسبه للبنات الاقل بياض ..

اللي جنبه هذا بي بي كريم من ماركه فلورمار رائئع وتغطيته من خفيفه الى متوسطه وخفيف على البشره مشكلته شوي ان الدرجه اغمق مني بشوي " هي افتح شي عندهم " لكن اذا حطيته على وجهي احسه يتجانس ويعطيني لون حلو ..

مناسب للبنات اللي بالثانوي والجامعه لو كانوا يحطون منه يوميا ..

اللي بعده جيفنشي حلو برضو وشبيه صراحه ل ريفلون لكن فرق السعر لصالح ريفلون ..

اللي بعده ماك درجتي فيه ان سي 15 بالعلبه تحسينه غامق واذا حطيته علي يطلع حلو لكن اتوقع لو اخذ درجه افتح بيكون افضل خصوصا ان هذا الاندرتون حقه بيج .. اساسات ماك صراحه تحير ههههه ..

اللي تحت دائري من مايبلين هذا اساس مضغوط عباره عن اساس وكونسيلر و بودره مره حلو تغطيته خفيفه يناسب اللي بشراتها كويسه ومافيها اثار مشكلته على وقتي ماكان فيه درجات فاتحه مره .. 

البنات اللي بشراتهم حنطي اتوقع بيلقون لهم درجات كثير تناسبهم  ..

ناويه بالمستقبل على اساس من ميبيلين اسمه فيت مي 

وانصحكم تحطون بعين الاعتبار برجوا هيلثي ميكس و اساس من لوريال  "ترو ماتش " غطاه فضي حنان النجاده جدددا تمدحه ..

البشرات الغامقه انتبهي لا تاخذين اساس الاندر تون حق وردي عشان مايقلب معك رمادي .. خذي على بيج ..

نجي للكونسيلر ..

انا مافيني هالات  لكن استخدمه ك هاي لايت " اضاءه " بالاماكن اللي ابيها تنور بوجهي 

+ انظف الحاجب بها ..

هذولي انواع الكونسيلرات السايله اللي عندي حاليا كلهم معهاهم فرشه وهذا يسهل عليك تحطينه ..

انصحكم بحق مايبلين فيه درجات كثيرررر ورائع ..

بعض الدرجات جايه شوي ع اورنج وبكذا انتي ماراح تحتاجين تحطين تحته كوريكتر " مصحح" عشان مايقلب معك رمادي ..

انا درجتي 15 واحيان استخدمه  ك اساس اوزعه على وجهي بشكل عشوائي بعدين ادمج بالبيوتي بلندر .. النتيجه مره حلوه و تعطيني لوك نظر وفيه حييويه ..

 اللي تحتهم كلهم من فلورمار درجه 4 و 3 حلوه للناس الحنطيين 

كلهم تغطيتهم متوسطه .. 

اذا حطيتي الكونسيلر تحت عينك حطيه على شكل صح ..

بعدين ادمجي بالبيوتي بلندر ..

نقطه مهمه الكونسيلر شي ثانوي اذا مافيه هالات ي حلوه مايحتاج تستخدمينه  

+ كونسيلر ميبلين الاسفنجه مررره عليه مدح وناويه اجربه ان شاءالله ....

بالنسبه لتنظيف الحواجب بالكونسيلر ..

بعد ماتخلصين رسم حواجبك تحددينها بكونسيلر ..

عشان تعطيك منظر نظيف وان الحواجب مرفوعه .. صدقوني بتفرق هالخطوه معكم ..

شوفوا خطوه 7 و8 و9 ..

انا استخدم الفرشه اللي بالصوره عشان ادمج الكونسيلر لو حددت الحواجب  ..

واستخدم البيوتي بلندر عشان ادمج الكونسيلر تحت عيني .. 

بالنسبه للبودره فيه بنات يستخدمون البودره عشان تطفي الاساس لو كان فيه لمعه ..

او تحطه على المناطق الدهنيه زي التي زون  الخشم والجبهه ..

او عشان تثبت الاساس  او الكونسيلر ..

بالصوره ثلاث انواع بودره ..

 بودره بنانا من بن ناي ينصحون تحطينها فوق الكونسيلر فقط عشان مايقلب رماي الى الان ما استخدمتها ..

 الثانيه فوق سيكسي ماما من ذا بالم بالصوره باين ان فيها لون لكن بالحقيقه لا اذا حطيتيها على بشرتك مايكون لها لون " شفافه " 

فيه بودرات شفافه من ماركات ثانيه لكن مع التصوير والفلاشات تقلب المنطقه بيضا كانه طحين :) ويصير وجهك فيلم فكان عندك تصوير ابعدي عن هالنوع - سيكسي ماما ماتسوي كذا ..

مثل كذا هههههههه !!

الثالثه من اتش اند ام ..

عموما انا من الناس اللي ما احب استخدم بودرات ..

نجي لنقطه ايش تستخدمين عشان توزعين الاساس؟ 

فيه بنات يوزعون الاساس بيدهم وانا كنت منهم قبل سنتين او ثلاث قبل لا اشتري البيوتي بلندر ..

ممكن تستخدمين البيوتي بلندر وانا ارشحها لك اكثر وحده :) 

تعطيك منظر مدمووووووووووووووج للبشره كأنها بشرتك الطبيعيه :) 

ولا يكون الاساس متكتل .. مره بطله ..

بالمناسبه انا جربت البيوتي بلندر واسفنجه ريل تكنيك لفتره طويله واشوف انهم يعطوني نفس المفعول ..

والفرق بالسعر طبعا لصالح  ريل تكنيك ..

او ممكن تدمجين وتوزعين الاساس ب فرش للوجه ..

من فوق هذي فرشه للبودره كبيره تقدرين توزعين فيها بودره او برونز 

اللي تكتها فرشه اكسبيرت  يقال انها البديل ل سيقما اف 80 لكني ماجربت سيقما ..

اللي تحتها برضو للاساس  وانا ما افضل هالنوع امانةً ..

اللي تحتها للكونسيلر ..

كلهم من ريل تكنيك .. وفرشهم للوجه جدا حلوه واسعارها رخيصه ..

نجي للبرونز ..

ممكن يكون بودره او كريمي او بخاخ ..

صورت لكمم شوي من البرونز اللي عندي وللاسف نسيت اصور باهاما ماما :( 

البرونز لازم يكون مات " مطفييي" 

توزعينها على كل وجهك بفرشه كبيره  .. او توزعينه على اطراف وجهك ..

البرونز طبعا درجات حسب لون بشرتك الطبيعي شي مايل ع بني شي ع رمادي شي ع وردي خفيف 

عموما  انصحكم ببرونز فلومار هو اللي علبته كبيره فيه درجات كثيييييييييير وسعره جميل وعلبته كبيره مره ..

البخاخ اللي بالصوره من سوب اند قلوري رائع اذا بخيتيه تحول الى بودره على وجهك تبخينه من بعيد بعدين على طول تدمجينه على وجهك .. تقدرين تستخدمينه للجسم برضو ..

جينا للبلشر " احمر الخدود"

عندي كثيرررر ومررره تغريني :$ 

مهم انك تجربين الوان كثير عشان تعرفين ايش الاحلى عليك واللي يناسبك او اذا صعب عليك التجربه تشوفين سواتشات للالوان على موديل او بلوقر تكون درجه بشرتها زيك ..

زي ماقلت لكم عندي كثير لكن اخترت  بشكل عشوائي الدرجات عشان تشوفونها  ..

حلو يكون عندك بلشرات اساسيه ..

 واحد يكون مايل على خوخي او مشمشي ..

وواحد مايل على بنك واختاري الدرجه اللي تناسبك ..

ممكن تاخذين شي فيه شيمر بسيط .. 

البلشر طبعا ممكن يكون كريمي او باودر ..

الكريمي مناسب للبشرات الجافه واللي بشرتها دهنيه تبتعد عنه ..

الباودر يناسب لكل البشرات طبعا ..

ممكن تحطين بلشر كلايمي بعدين فوقه باودر عشان يكون ثابت اكثر ..

بالنسبه للماركات اللي انصحكم فيها للبلشرات ..

ذا بالم و نارس و ان واي اكس و سليك و فلورمار ..

هذي الفرش اللي تناسب تحطين بها البلشر الباودر .. حقات ريل تكنيك ممتازات جدا تلقط اللون وتاخذ كميه مناسبه ..

بالنسبه للبلشر الكريمي انا شخصيا افضل اوزعه باطراف اصابعي  :$ 

ممكن تستخدمين ستبلنق برش هي اللي تكون غالبا شعرها صناعي واطرافها ابيض  نست اصور اللي عندي للاسف :(

هنا موضحين لك وين المكان الصحيح اللي تحطين فيه البلشر حسب شكل وجهك ..

انا شخصيا احب احطه بهالشكل على الوجنات وشوي امده على برا 

يعطيني امتلاء لخدودي واحب هالطريقه ..

 هنا برضو نفس الفكره موضحين لك كم ممثله ووين حاطه البلشر حقها حسب شكل وجهها ..

ارجوووووووووووكم ارجوكم ارجوكم لا احد يحط زي كذا /( 

كأن احد معطيها كف :( 

للاسف كثير اشوف كذا ..

 لو حطيتي بلشر وكانت كميته كبيره وتوهقتي فيه جيبي فرشه نظيفه وحاولين تدمجين او طبطبي عليه بمنديل نظيف " جاف " 

نجي ل أحلى شي بالميك اب الهايلايت " الاضاءات ..

موضح لك بهالصوره ون المفروض تحطين الاضاءه ..

على عظمه خدك - تحت حاجبك - على عظم الانف - اعلى الشفايف 

 هنا وهم مغمضين ..

 هنا وهم مفتحين ههههههههه 

يااخي اضحكوا الدنيا فانيه ذذ ..

الاضاءه ممكن تكون كريميه وراح تعطيك لوك مائي - ممكن بعضها يكون فيها شيمر 

او تكون لوز باودر " بودره سائبه " 

حقت ميك اب فور ايفر الكبيره + ان واي اكس هي بودره للوجه والجسم مافيها قليتر كبار لا فيها لمعه "اضاءه " حلوه 

الصغيره هي بالاساس شادو ..

وممكن تكون بودره مضغوطه وهذي انواع لها ..

وتتكون الوان ودرجات شي ع لؤلؤي شي برونز شي شوي بنكي ..

لو عندك لون شادو انتي حابته ممكن تستخدمينه ك اضاءه ..

كذا النتيجه تكون وانا احب هالستايل جدا ..

بالنسبه للأرواج ضروري يكون عندك الوان اساسيه ..

احمر - فوشي - وردي روز - مشمشي - عنابي 

الارواج تختلف فيه منها كريمي - فيه منها مات تكون مطفيه  - فيه نوع يكون كانه قلوس تحطينه يكون مات - فيه الليب تنت يكون غالبا زي شكل قلم الفلوماستر ثااابت ويعطيك تغطيه خفيفه للشفايف احلى نوعيه جربتها من ريميل ..

عندي ارواج كثير صراحه و تسريحه الميك اب حقتي محتاسه لاني قاعده اعدل على غرفتي ولا كان صورت لكم الكولكشن ..

لكن للاسف مافيه وقت :( ..

اخترت الوان عشوائيه ومختلفه ..

انا اقدس الليب لاينر " المحددات " 

صورت لكم شوي من اللي طاحت عيني عليهم ..

احب درجه البنك الطبيعيه :$ 

بالنسبه للارواج الماركات اللي انصحكم تجربونها ..

 ويت ان ويلد وسبق كتبت عنها بوست السنه اللي فاتت الوانها متنوعه ثابته ورخيصه !

ريفلون - فلورمار - ريميل - برجوا  - ان واي اكس 

المحددات : 

مكياجي - كيكو - لورانس - ريميل - ان واي اكس 

جينا ل الحواجب  ان صلحت صلح سائر الميك اب  ذذ ..

اول شي خلونا نبدأ بالماسكرا ..

ماركات كثير نزلوا منها ..

هي تفيدك بحالات كثير ..

 لو حابه تفتحين لون حواجبك ..

او حواجبك كثيفه وحابه تترتب وتتعبى بشكل بسيط ..

او لو حابه تدمجين البودره حقت الحاجب ..

والحاله الاخيره لو تثبتين الحاجب لان فيه بنات حواجبهم تكون نازله على تحت ..

 استخدامها سهل وبسيط تحطين كميه بسيطه على حاجبك بعدين تمشطينه - ممكن تستخدمين بعده فرشه "زي حقت الماسكرا" نظيفه عشان تشيلين الزايد من الحاجب ..

فيه انواع  شفاف  وبعضها مات وبعضها بقليتر بسيط ..

انتي ورغبتك وذوقك واحتياجاك تحددين ايش تشترين ..

 اللي بالصوره تقريبا اغلبهم جيل ..

 وواضح نوعيه الفرشه اللي تستخدمينها تكون صغيره ومشطوفه ..

بالجيل دائما تبدين من منتصف الحاجب ولا تعبين كامل الحاجب منه  " خصوصا تاتو ميك اب فور ايفر " 

يفيدك لو حواجبك خفيفه جدا او ترسمين على الجلد ..

ثابت وحلو للمناسبات ..

مقدمه الحاجب دائما عبيها ببودره عشان تعطيك لوك طبيعي 

انصحك بعده تجيبين فرشه ماسكرا نظيفه وتمشطين الحاجب عشان يتوزع وتشيلين الزايد ويعطيك لوك طبيعي ..

بالنسبه لتاتو ميك اب فور ايفر يمكن يكون استخدامه صعب على كثير بنات لكن هو تاخذين منه نتتتفه بسيطه وراح تكفيك ..

 بعض البنات تستخدمه بطريقه غلط ثم تجي تذمه وتقول انه اوفر ويطلع الشكل قاسي الخ ..

استخدميه صح وتحصلين نتايج صح () 

ابحثي باليوتيوب عن طريقه استخدامه ..

بودره الحواجب المفضله عندي سسهل - سريع - لوك طبيعي  

ماركات كثير عندهم منها - اختاري لون افتح من شعرك بدرجه بس ..

برضو ترسمينها بالفرشه المشطوفه ..

قلم الحواجب انا شخصيا ما افضله ..

كثير يعتقدون انه اسهل لكن انا برأيي انه اصعب ومو اي احد يستخدمه يعطيه لوك طبيعي صراحه ..

بالاضافه الى انه يطيح الحواجب مع كثره الاستخدام :( 

الشادو " الظلال " العالم الجميل واللي كثيرر متخوفين منه ..

لو انك كلاسيك وتحبين الهادي والطبيعي انصحك على طول تشترين  باليت يكون فيه الوان ناتشورال طبيعيه 

درجات البيج والبرونز الوان كلاسيك يعني ..

طبعا الشادو عالم بير بتكلم عن المضغوط لاني اشوف انه اسهل استخدام  للمبتدئين ..

عندكم ماركات كثير وباسعار معقوله وحلوه .. 

وانا دائما افضل انكم تاخذون بباليت كامل عشان يلهمكم تستخدمون الدرجات  اللي جنب بعض ..

لان لو شريتوا مفردات يمكن شوي تتوهقون ايش تدمجون معها ..

عموما هذولي باليتين من سليك ..

وهذا باليت فيه اربعه الوان من فلورمار سعره حلللللو ورخيص والكواليتي حقته فضيعه ومره بيقمنتد واللون واضح انصحكم فيه ..

هذا باليت برضو من ماركه ام يو اي  موجوده بلندن واسعارها رخيصه ..

باليت من تو فيسد برضو بالوان ناتشورال .. 

باليتين من اربن ديكاي اليمين نيكد 3 وسبق عملت له ريفيو ..

اليسار نيكد 1 غني غني عن التعريف اشتروه وانتم مغمضين :) 

فيه كل الالوان اللي راح تحتاجونها والكواليتي حقته رهيبه وسعره مناسب  على 12 لون !!

لو كنتي حابه تجربين الوان جديده وخايفه ماتزبط معك وتتحسفين على فلوسها جربي شادوات ويت ان ويلد رخيصه والوانها حلوه والكواليتي جميله على سعرها !!

حتى الباليت اللي ع اليسار الوانه طبيعيه وحلوه لو مزانيتك قليله .. 

قبل الشادو استخدمي على جفنك برايمر  يثبت لك اللون ويخليه اوضح + مايخطط على العين ويظل ثابت وقت طويل 

انا استخدم من اربن ديكاي ..

ممكن تبخين على الفرشه شوي من فيكس بلس من ماك عشان يكون اللون اقوى و اوضح ..

بالنسبه للفرش فالكلام فيها يطول صراحه ولا عندي وقت :( 

بالنسبه للشدو اهم فرشتين تحتاجينها هي نفس هالشكل تقريبا " اقرب وحده جنبي وصورتها "

 وحده تحطين فيها اللون على كامل جفنك ..

و وحده تكون منفوشه  عشان تدمجين الالوان او تحطينها بزاويه العين ..

بالنسبه للكحل انا اعتمد الايلاينر بطلتي كات ايز  ..

فيه نوعين للايلاينر سيل مثل اللي بالصوره من اليمين

 ذا بالم  - اسود فاحم - ثابت - سهب بالرسم للمبتدئات 

محمود سعيد الفرشه نحيفه جدا اسود فاحم ممكن يكون صعب على المبتدئات ..

ريميل  ريميل اسود - سهل استخدامه ويناسب المبتدئات - كنت اعتمده قبل ايلاينر ذا بالم ويمكن قد استهلكت 6 علب 

هالمره اشتريت ووتر بروف " ضد المويه " فيه خط سماوي ..

انا افضل ذا بالم عليهم بس مشكلته سعره وكميته شويه  () 

وممكن يكون جيل كريمي 

تستخدمين معه فرشه نحيييفه او مشطوقه انا افضل النحيفه اللي بالصوره اخذته من مكياجي وحلوه ..

الايلاينر الجيل ممكن يكون ملون او اسود ..

حلو تستخدمين ملون مثل البنفسجي الغامق او البني  يعطيك طله مختلفه وبسيطه وحلوه للجامعه او الطلعات البسيطه مثلا ..

 اللي عندي من ماركه ايلف مره ممتازه وسعرها بطل ..

لوكات تقدرين تسوينها بالكحل ..

 

وهذي طريقه الكات ايز :) لحد يقول الحين ما اعرف :$ 

الماسكرا اهم اهم اهم شي بالنسبه لي !

اذا رموشك طويله خذي وحده للتكثيف - اذا رموشك كثيفه خذي للتطويل وهكذا 

او خذي شي اثنين بواحد  او استخدمي ثنتين ..

تبين تطلعين بنتيجه حلوه بالماسكرا؟ 

اول شي اعكفي رموشك بعكافه الرموش 

بعدين حطي طبقه وانتي ماسكا الفرشه ابداي من الجذور وحركيها يمين يسار وانتي ترقين على فوق  وخذي وقتك وانتي تسوين هالطريقه عشان تطلعين بنتيجه حلوه .. استنيها لين تنشف وكرري الحركه 

حطي اكثر من طبقه - لو حسيتي انها تكتلت معك جيبي فرشه ماسكرا نظيفه وشيلي الزايد منها 👌

جربت ماسكرات كثيرررررر

هذولي الماسكرات اللي الاغلب متوفره عندنا هنا وحبيت نتيجتها ..

طبعا اجمل وحده فيهم بيق بولد تعبت وانا امدحها صراحه وشهادتي فيها مجروحه  ..

طبقه وحده من الماسكرا صدقيني ماتسوي لك شي  ههههه 

ماودي اتكلم بخصوص الرموش التركيب وافتح علي ابواب  لان كل واحد وقناعاته  () 

صوره توضيحيه لطريقتي بحط المسكرا ..

هنا معطيك امثله على اشكال الفرشه والنتيجه اللي تسويها ..

الكحل الملون يغير بطلتك كثير ..

اذا عيونك صغيره حطي داخل العين كحل ابيض او بيج " نيود "

االاكحال الملونه ممكن تحطينها داخل العين او تستخدمينها ك ايلاينر ..

او تحطينها تحت الرموش السفليه وتدمجينها وهذا اكثر شي اسويه ..

اذا خلصتي ميك اب بخي فيكس بلس على وجهك كم رشه عشان تندمج الالوان والاساس والبودره على وجه 

او بخي من مثبت الميك اب " اللي على اليمين" عشان يثبت لك ميك ابك لوقت طويل 

طرق لوكات :

سموكي بني:

حطت لون بني على  كامل الجفن  - ثم حطت لون افتح وشوي فيه شمر على الجفن المتحرك - ثم حطت لون بني رمادي على كسره الجفن الثابت ودمجت - رسمت ايلاينر - وحطت شدو بني تحت العين ودمجت - بالاخير ركبت رموش ..

اسهل لوك ممكن تسوينه  :

بني غامق على كسره العين وادمجيه ثم اضاءه تحت العين  وعلى الجفن الثابت حطت لون اوف وايت وقليتر ثم رسمت ايلاينر عريض ولا احلى من كذا ..

 شايفين الموضوع بسيط ايلاينر  و شدو بني على كسره العين ولعبت لعبتها بالرموش مره كثيره () 

من اللوكات اللي اعشقها فخمه وناعمه بنفس الوقت  الخطوات واضحه صح ؟

مكن تدخلين الالوان الجريئه بشكل بسيط وانيق زي كذا !

 هاللوك صدق صدق انثوووووي وجميل ويحلي العين عن تجربه ويناسب كل العيون ..

حسابات انصحك تتابعينها بالانستقرام :

@maryamnyc 

@makeupwithtammy 

@maya_mia_y 

@makeupbyevon 

@vegas_nay 

@lozcurtis 

@hudabeauty 

@dalalid 

@makeupbymaya 

@hananalnajadah 

قنوات ومدونات انصحك تشوفينها :

http://m.youtube.com/user/makeupgirlq8

دلال كويتيه تنزل تتوريال ميك اب بقناتها تعجبني جدا وشغلها نظيييف 

http://dalalid.com

http://m.youtube.com/user/makeupbymayaahmd?

تنزل تتوريال ولوكاتها حلوه جدا وتعتمد ع الرموش كثير 

http://www.hudabeauty.com

http://m.youtube.com/channel/UCatI2zOJvBf5AM-V7GLGC2g?sub_confirmation=1

تنزل تتوريال ميك اب ولوكات مختلفه مره مرررررره احبها 

http://m.youtube.com/laurencurtis?uid=XbQzhqSvgVZTUyi1T4AU3w

طريقه كونتور ناعم واليوتيوبر جميله وفيديواتها حلوه 

http://m.youtube.com/watch?v=smC78h0S3FE

وووبسس ..

طبقوا واكشخوا للعيد ي حلوات () 

اذا استفدتوا من البوست شاركوه صاحباتكم ..

وقولوا لي ع الانستقرام وش حابين انزل عنه المره الجايه ..

نشوفكم على خير ..




اسعد بتواصلكم ::
ايميل : Aljawharah36@gmail.com
انستقرام : @joj36
تويتر : @aljawharah_al