سلسله التركيز على ماركه : مجموعتي من ماركه ايلف 79 منتج تقريبا :) - سواتش & ريفيو - my collection from e.l.f

السلام عليكم ..
من زمان ناويه ابدأ سلسله التركيز على ماركه معينه او منتج معين من مختلف الماركات ..
او من جهه ثانيه يعتبر الكولكشن اللي عندي من الماركه الفلانيه...
حقيقه ان الصور مصورتها صار لي 10 شهور وللاسف خذني الوقت ولا نويت اشتغل ع البوست الا امس..
كنت اتهرب لانه يحتاج تركيز كبيرر وشغل كبير من تعديل وحقوق  كتابه البوست :(
فكنت استنى الوقت المناسب عشان يكون ذهني صافي ..
ماعلينا ماركتنا لليوم هي ايلف e.l..f
ماركه امريكيه .. ماتتواجد الا بامريكا وكندا و اون لاين  حسب ضني ..
الماركه جدا جدا رخيصه! لكن ببعض المنتجات الكواليتي حقه ممتاز ..
اسعارهم بالدولار تتراوح بين الدولار الى 15 دولار تقريبا للمجموعات او البالت ..
لكن متوسط الاسعار عندهم ع 3 دولار او 5 تقريبا ..
تعتبر ارخص من ماركات الدرق ستور ريميل وريفلون مثلا ..
انا كان عندي من كم سنه منتجات منهم قليله ..
وودي استكشف هالماركه واجرب اشياء اكثر !
لكن كان الحائل بيني وبين هالموضوع ان ماعندي بريد امريكي اشحن عليه ..
واستخسر اطلب من متاجر والقطع بالاصل رخيصه! فماراح استفيد شي..
فلما طلعت بريد  وبديت اتوسع بالطلب والمواقع شفت عرض في موقعهم . والنفسيه وقتها  ال تعبانه ههههه :(
بدال مكنت اذاكر للميد تربعت قدام الاب وبديت  اضيف للسله .. مافيه شي ما طلبته والاغلب طلبته على عماي عشان اجربه ..
اذكر اني قلت ل اختي ترا بطلب من موقع ايلف تبين شي ؟
قالت جيبي لي زيك في كل شي .. قلت متاكده!! ترا بطلب كثير .. قالت ايه عادي جيبي زيك بالضبط هههههه
عاد يوم وصل الطلب مسكينه انفجعت قالت توقعت بتطلبين كثير لكن موب ل هالدرجه هههههه..
عاد مع مراعاه اني طلبت لها الاشياء اللي فعلا حسيت انها ممكن تستخدمها اما الاشياء التجارب ف كنت طالبه لي ...
طولت عليكم ..
المنتجات تقريبا عددهم 79 منتج ..

بسم الله نبدأ ..



اول شي نبدأ بمنتجات الوجه :

طلبت كم اساس منهم للتجربه ..
اثنين ضاعوا للاسف وواحد لازال موجود ..

صراحه تعليبه محترم جدا حسافته انه ضاع :( وانا ما استخدمته

هذا اللي لازال موجود صراحه ماجربته بشكل كافي عشان احكم عليه ..

هذا اساس مضغوط ويجي معه اسفنجه و فيه مرايه .. برذو ضايع ! لكن اذكر انه ذكرني باساس من مايبيلين  ماكان سيئ  ابدا وخفيف

 

بلشراتهم من اكثر المنتجات اللي كنت متحممسه عليها ..

ومشهورين فيها ..

وكثير يقارنونها ب نارس ..

صراحه ظلم اننا نقارنها بنارس من ناحيه الكواليتي هههههه!!

لكن الشكل فعلا تذكرني بنارس جدا

زي مو شايفين عندي 7 الوان منهم ..
بعضهم مافيها لون ابدا هههه!
بشكل عام البلشرات حقتهم حلوه لو انتي من الناس اللي ميزانيتك محدوده وتحبين اللوك الخفيف ..
لاتتوقعين منها تكون بيقمنتد مره لا !
صبغتها مو عاليه يعني تحتاجين تعيدين عليه  عشان يطلع لك اللون مو مثلا زي بلشرات الاماسكا ! بطرف الفرشه واللون واضح ولا بعد تتوهقين انه كثير ..
اتوقع انها ب 3 دولار !
يعني صراحه مره رخيصصه وتستحق تجربينها 

هذي سواتش للالوان ..

عني احب بلشنق روز لونه روز ترا هنا باين غامق عشاني حاطته باصبعي ..

 و بنك باشون  حلو لطله صباحيه لو كنتي بيضا يعطيك طله البشره النديه المورده  " علبو اني مو حاطه شي هههه"

 و بيري ميري  لونه جاي ع روز لكن فاتح ..

ميلو موف و كاندد كورال خفيفين زي ماقلت لو كنتي تحبين الطله الخفيفه جدا

توينكل بنك و اللي فوقه استهبال ببساطه هههههه مافيه لوووووون !

بشكل عام  بلشراتهم اعتقد انهم يناسبون الطلعات الخفيفه او للبيت او للبنات الصغار المتوسط والثانوي

 ال اتش دي بلش

فكرته نفس حقته ميك اب فورايفر

صراحه صبغته عااااااااليه جدا ونقطه صغيره منه تكفي كل خدينك ..

لكن مشكلته ضغاط ويطلع كميه كبيره ف اتوهق به :(

اللي عندي سوبر ستار والثاني ناسيه درجته للاسف ..

هذا  باليت الكمنتور والبلشر ..
اليمين كريمي
واليسار بودره شبيه بحق نارس و البلشر يشبه اورقازم نوعا ما .. فيهم شيمر

الكريمي جت لي فتره طحت فيه الغامق للكنتور  والثاني بلشر
ثباته كويس ..
انصح فيه يستحق التجربه وسعره رخيص ..
البودره للاسف اني مالقيت وقت او مناسبه استخدمه فيه عشان احكم عليه  لكن صبغته حلوه ..

هذي مجموعه البيكد .. المخبوزه ع قولتهم ههههه
اليسار الثلاثه من السواتش هذولي هاي لايت .. " اضاءات" حلوين  تناسب اللي ماتحب الشي الاوفر وتبي شي خفيف  اخر واحد يسار مايبان ابدا للاسف ههههه
السواتش من اليمين هذا برونز  والله ظريف ..
ما استخدمتهم بشكل كافي يادوب مره يوم وصلوا و يوم اسوي السواتشات ..
والسبب يعود ل ان عندي منتجات كثير , ف بمناسبات ما ابغى اغامر بمنتج ماجربته او اقل مستوى ..
لكن بشكل عام حلوين ..

هذا البودي شيمر ..
اضاءات للجسم  وللوجه ..
احب اقول لكم بكل اسف ان اللؤلؤي والبرونز احلى اثنين ضاعوا !
بتقولون ياكثر اشياءها اللي ضاعت :( لكن فعلا لي فتره فاقده اشياء كثير من ايلف! مع ان مو بالعاده يضيع مني شي .. غريب الوضع!
نبدأ باللؤلؤي ححلو مره صح فيه احيان شوي قطع شيمر لكن ماتبان  شبيه ب واتس اب من بينفت صراحه حلو وبارجع اشتريه  ان شاءالله ..  يبي له دمج عشان مايتكتل ..
البرونز شريته عباطه كذا  مافيه شيمر واضح لو مع دمج مزبوط ممكن يكون كونتور او بلشر او برونز يتحول لبودره ..
الاخير انصدمت فيه اوكي توقعته بنك لكن موب ل هالدرجه هههه هذا بلشر مو شيمر الله يصلحكم ..
لكن تصدقون انه يشبه بلشر نارس الكريمي اورقازم جددا!

اللي محببني فيهم انهم صغيرين وكون انهم جايين بهالشكل المستطيل ف مره حلو اني احطهم مباشره ع وجهي  يعني اقدر اتحكم بالمساحه ..

نجي للفرش ..
اول مره اخذ هالنوعيه من كولكشن ستديو اعتقد ..
حمستني عليها البلوقر الجميله امل مررره تحبهم .. خصوصا الباودر برش فشريت ثنتين عباطه مدري ليه ههههه! مع اني الى الان ماجربتها ..
الستبلنغ برش شعراتها مره متباعده حلوه استخدمها للبيبي كريم او البلشرات الكريميه ب انها شوي كبيره ..
البقيه حلوين ناعمين ..
عندي وحده اليد حقتها باديه تنفك! مع اني ما استخدمتها ابدا  اعتقد عيب من التصنيع لان كان عندي من 2011
من المجموعه البيضا وللحين عايشين وكانهم جداد  !
فيه  فرشه الايلاينر المشطوفه مره كويسه خذيتها ل اختي واتعيجزت اصورها ..

هذي اللي قلت لكم عنها ..  مره تعيش وسعرها رخيييييييص مره الحبه يمكن تطلع ب 10 اتوقع
لو ميزانيتك محدوده وتبين فرش اشتريهم ..

هذي الفرش من الاشياء الرااااائعه عندهم  فادتني كثييير للحواجب  12 حبه بسعر مره رخيص ..
لازم كلكم تشترونها!!
وتراها مو استخدام مره وحده وترمونها والله تعيش ..
فضيعه واحبها جدا .. حجمها صغير وفرشتها صغيره ..

بخاخ منظف الفرش حلو وسريع لو وانتي تشتغلين وتبين تغيرين اللون  بخي على الفرشه بعدين امسحيها بمنديل ..

ميك اب ريموفر على شكل قلم :
هذا مصحح الاخطاء  لو غلطتي بالايلاينر فيه طرف فيه زي الاسفنجه مبلوله  تمسح لك الغلط ..
صراحه شعوري فيه متضارب ..
بالبدايه كنت مبسوطه عليه ,, لكن من ثاني مره تتوصخ الاسفنجه ثم اذا جيت اعدل شي البقايا فيها تحوس علي الشغل !
امممم ما ادري صراحه  احسه نوعا ما مو عملي

مناديل مزيله مكياج ..

اذكر انها كويسه لكن بسرررعه خلصت!

بالاضافه ان المنديل فيه جهه فيها زي النقط الخشنه وهذا الشي ماحبيته ..

مناديل فيها لوشن وفيه ريحه ..
الفكره مره روعه لو ان الترطيب قوي حلوه للعجازين هههههه!
لكن ترطيبها وقتي وبسيط .. بس ريحتها حلوه :) 

ههههههههههه قلت لكم كنت اعاني نفسيا لدرجه اني طالبه برايه!


نسيت اصور عكافه الرموش .. حقتهم فضيييييييييعه ورائعه جدا جدا




ليب ستان على شكل قلوس بعد ماتنشف ع الشفايف تقلب مات ..
كان عندي واحد وطلبت لونين زياده ..
حلوه ماعليها لكن موب وااااو ..
صبغتها مو عاليها جدا ..
ماتناسب اللي فيهم تصبغات في شفايفهم

هذي زي الليب تنت تاتو الشفايف ع شكل اقلاام اكتشفت اني ماصورت اشكالهم ..
حلوه ورخيصه ..

روج وحيد جربته منهم ناعم لكن ما انهار عليه .. وبيني وبينكم ماجربته كثير كثير

  مقشر للشفايف رااائع ..
الجميل في الموضوع انه على شكل روج ف مريح مره بالاستخدام
لازم تشترونه يستحق التجربه

هذا زي المرطب لون خفيف .. حلو

طلبت محددين الوانهم مره محدوده كانت .. وياحليلهم يجي معها برايه هههههههههه

 الجمال هذا هو شادو كريمي  لونق لاستنق ..
يذكرني ب شانيل و اراماني الكريميه

 حلوين مررره خصوصا اول واحد باليمين فضييييع ..
الفضي اللون مايكون واضح ع العين للاسف ويقطع ..
لازم تجربون هالنوع لازم ..

 تجي معهم هالفرش  كريمين ههههههه ..

  جامبو بنسل شريته عباطه ولا جربته ع اساس بيس للسموكي ..

 شادوات كريميه مختلفه عن اللي فاتت ..
حلوين وثابتين والله مره !

جل ايلاينر خذيت ثلاث الاوان :
الاسود ولا عجبني اللون مو واضح مع الناس منهبلين عليه  فشكيت ان اللي عندي مضروب و طلبت لي من اسبوع واحد جديداجربه ههههه
البنفسجي مررره حلو وثابت وواضح ..
البني برضو جميل جدا و ممكن تستخدمينه للحواجب برضو ..
تجي معهم الفرش اللي بالصوره ..

 ايلاينر بنفسجي شريته عبط  ..

 شدو من مجموعه البيكد ,, كان عليه مدح وشريته ..

 هذا الي جهه ايلاينر و جهه شادو .. كريميه طبعا ..
 ماجربته بشكل كافي لكن حلو  يجي منه ..

 لقيت هالسواتشات واكتشفت اني ماصورت العلب هههههه
لشدوات منثوره ..

 ايلاينر ابو كلللللب الفرشه مهيب صاحيه شوقوا شلون منفوشه !

 ماخليت بخاطري طلبت كل انواع الماسكرات جذبتني الفرش ..
عندي اكتفاء ماسكرات ف ما احاول اني افتح كل شي عندي بوقت واحد  لذلك جربت ثنتين وكانوا عاديات : )

بودره وجل الحواجب ممتازه جدا  انصح فيها .. اتوقع درجتي لايت - وعندي ميديم احتياط مافتحتها ..

 ماسكرا للحواجب و للرموش شفافه ..
بالنسبه للحواجب مممممتازه جدا ي بنات .. ماتيبس الرموش وبنفس الوقت ثابته .. حلوه مره مره

 قلم شادو اذكر طلبته من ايهيرب .. ظريف لكن ما استخدمته ..
يصلح لو بتطلعين سريع سريع ..

ماسكرا الحواجب .. حلوه .. كنت اتمنى ان فرشتها اصغر
فيها جهه اللون البني .. وجهه شفاف لكن الفرشه حقته زي حقت القلوس غريب !


من ضمن الاشياء اللي ضاعت قطره للايشادو والجيل ..
لكن برضو طلبتها واستنى توصل لي ..


وبس هذا كل شي ..
ان شاء الله البوست يكون مفيد للي محتار وش يشتري من هالماركه :)

يارب ما اكون نسيت شي ()


خلف الكواليس :)

قولوا لي ع الانستقرام وش حابين البوست الجاي يكون عنه ؟
فتوكوا بعافيه  ذذ..

اسعد بتواصلكم ::

ايميل : Aljawharah36@gmail.com

انستقرام : @joj36

تويتر : @aljawharah_al