حفله تخرج نوره من الحاسب () محلله رسمياً ذذ :)

السلام عليكم ..

كيفكم ؟ ي رب الجميع يكون بخير ..

رسمياً انا الان معطللله ! أخيرا خلص الصيفي ..

اليوم برضو رحت استلم وثيقه تخرج نوره "اختي" لو متابعيني ع الانستقرام راح تعرفون انها تخرجت الترم الماضي ..

اليوم البوست عن حفله تخرجها "المفاجأه " كان هديتي لها ()

ل أني اعرف قد ايش عانت مع قسمنا وجننوها "قلب مكسور"

لكن الحمدلله هذا هي سوتها وتخرجت ماشاءالله ..

الحفله كان وقتها بإجازه الربيع ..

مو هي على اساس انها مفاجأه لها؟ الاخت الكريمه قررت تجي تنام عندنا  قبلها ب ثلاث ايام ههههههه

انا هنا توهقت وش اقولها  بحيث ان الكذبه تمشي عليها!

مافيه  الا حل واحد .. وفعلا سويته ..

قلت لها ان منى "صديقه اختي " تبغى تسوي حفله ل لولو اختي " توديع عزوبيه " وان بيجون دكتورات كثير من القسم ولا قد شفتيهم فلازم تكونين على سنقه عشره :)

" مسكينه نوره دايم نسوي لها حفلات مفاجأه وتكون ما استعدت وتنقهر ههههه تقول حرام عليكم علموني قبل اكشخ "

فهالحفله لانها مهمه لها جدا كان ضروري انها تكون على سنقه عشره  وتكون احلى طله ..

من قبلها باسبوع يمكن نوره كانت تحكي لي عن فستان معجبها .. ورحت شريته لها وعطيتها اياه  ذذ ..

كنت مخططه للحفله بقبل ثلاث اسابيع ..

اخترت انها تكون باجازه الربيع عشان نسبيا اكون متفرغه لها ولا عندي ميدات او كويزات وبرضو بحيث يناسب المعازيم ..

بالنسبه للمعزومات كانت الحفله جدا ملمومه وحميميه ..

حرصت جدا ما انادي الا البنات اللي كلوز مع نوره جدا ..

وبتفرح بجيتهم ..

كتبت قائمه مبدئيه واستعنت ب مرام "صديقتها "  ترشح لي بنات لازم اعزمهم ..

تقريبا الحفله ل 24 بنت ..

كنت حاطه في بالي بالضبط الثيم ومتخيلته مزبوط .. وعلى اساسه رحت اشتري الاحتياجات ..

اه نسيت اقولكم الحفله كلها من تنسيقي  :$

شريت الاشياء اللي احتاجها  و المفارش  ودخلتها الخياط   و رحت افصل المرايات وطلعت خياليه الحمدلله ..

كل شي مثل ما ابي واكثر الحمدلله () ..

استأجرت من محل كراسي نابيليون ذهبي " اتحفظ اني اذكر اسم المحل - لكن تلقونه بكل محلات الحفلات "

الثيم طبعا بدون تفكير كان درجات البنك وذهبي ..

:) علامه الجوده لبنات المبارك هههههه

عاد امانةً الالوان فخمه وانثويه جدا ..

 انتبهوا للثيم اللي ع المويه والتغريسات تراني مصممته ومدخله فيه لغه الحاسب زيرو ون "الباينري" 

يوم شافوه صديقات نوره قالوا حرام عليييك ترجعين لنا المواجع ماصدقنا نفتك ..

المضحك بالموضوع ان نوره كانت ترتب معي وانا عجزت فيها اصرفها ههههههههههههه

واقولها روحي اجلسي مع لولو عشان ماتنزل وتخرب المفاجأه ..

لكن نوره ماتترك حركاتها وفهاوتها ي حبي لها هههههههه !!

يمكن كذا مره بغت تكفشنا وتشوف الثيم اللي باسمها  لكن الله ستر  ..

طيب شايفين هاللوحه ؟

شافتها نوره في غرفتي بعد ماحطيت الورد عليها وقالت : تكفيييييييييين سويلي وحده زيها في بيتي ..

وانا اقولها طيب ان شاءالله باسوي لك بالعطله مثلها ..

وانا ماسكه الضحكه في نفسي .. لاني مسويتها لها اصلا في حفلتها ابغى اعلقها وعقب ناويه أعطيها اياها تحطها في بيتها ..

ما اكثر عليكم حكي لان الصور كثيررر فوق 120 صوره ..

نقطه مهمه ابي انبه عليها ..

الصور اللي عليها توقيعي من تصويري ..

والصور اللي ماعليها شي من تصوير حبيبه قلبي بنت خالي نوره السعيد "@norah409 " ي حبي لها ماقصرت بالصور ..

يالله نبدأ ..

الصور ي حلوات راح تكون مجموعتين الاولى صور ل تنسيق الطاولات , الثانيه ل طاوله السيلف سيرفس ..

وبمناسبه حديثنا عن السيلف سيرفس كثييير كانوا يسألوني ع الانستقرام(@joj36 ) من وين البوفيه  ذذ  الاكل كله  احنا مسوينه ()

ما انسى حبيبات قلبي مرام ونوره السعيد ووهنو  لاني اموون عليهم وصيتهم على اطباق يجيبونها الله لايحرمنا منهم ..

طفشتوا  ذذ ؟؟

 نجي الان للأكل ..

أخيررررا ..

تم بحمدالله ..

تحميل الصور هبل بي :( 




اسعد بتواصلكم ::
ايميل : Aljawharah36@gmail.com
انستقرام : @joj36
تويتر : @aljawharah_al