السلام عليكم ..
كيفكم ي حلوات .. ي رب تكونون بخير ..
اليوم البوست عن باليت لوراك ميغا برو ..
كنت أأجل كتابه البوست عشان احكم عليه زين لانه احبطني صراحه ..
خلوني اقولكم ليش ..
كنت اسمع من الناس تمجيد ل شادوات لوراك وان ياخساره عمرنا واحنا مضيعينه ع نيكد ..
وانه بيقمنتد مره واللون يطلع واضح بدون برايمر ..
قلت لازم اجربهم وكنت وقتها محتاره بين لوراك ون و تو اخذ اي واحد !!
في هذيك الفتره اعلنوا الشركه ان بينزل باكتوبر باليت لميتد اسمه لوراك ميغا ..
قلت بس هذي فرصتك جت لحد عندك استني لين ينزل و اطلبيه ..
اول مانزل شفت سواتش له ب مدونه نسيت اسمها ..
قلت معقوله هذا هو !!!! الالوان خفيفه مره وبكل صراحه تحوم الكبد :)
وصرت في حيره اشتريه او لا !! خصوصا انه لميتد فتره وبينقطع وسعره معقول ب 60 دولار ..
بعد كم يوم temptalia نزلت بوست وسواتش له .. وبديت اقتنع .. وتوكلت على الله وطلبته ..
طلبته من امازون ب 60 دولار اعتقد
اول ماوصل كنت متحمسه له مره .. استنى هالاختراع المذهل اللي كلن يحكي فيه ..
علبته كرتونيه قويه .. وملمسه كانه شاموا لحد ما..
لكن العيب فيه انه يوضح طبعات الاصابع وسهل انه يتوصخ جدا ..
اللون والحجم حلوين بالنسبه لي ..
فيه مرايه من جوا ..
هو فيه 32 لون
16 منهم مات و 16 شيمر ..
الوانه متنوعه ..
نشوف سواتسات لهم ..
طبعا ماحطيت تحتهم برايمر .. و استخدمت اصبعي وانا احط اللون .. واغلب الالوان حاطه منها طبقتين ..
الصف الاول والثاني هم المات ..
الصف الثالث والرابع هم الشيمر
نجي لرأيي فيه ..
هو من ناحيه سعر فهو مناسب
لو حسبتيها يطلع اللون الواحد بما يقارب 8 ريال ..
من ناحيه الشكل حبيته .. لكن ما احسه قوي لو طاح سهل ينكسر .. خصوصا ان وصلني لون منكسر من الشحن ..
اما ك جوده وقوام ..
انا انصدمت ي بنات :(
احس جتني صدمه عاطفيه تجاهه !!
لدرجه كثير يسالوني وش رايك ! اقولهم ما اقدر احكم الحين شعوري متلخبط تجاهه ..
ممكن المشكله اني كنت رافعه سقف توقعاتي تجاهه .. وعشان كذا انصدمت فيه !!
من كثر المدح اللي جاه !!
الالوان من دون برايمر او فكس بلس موب حلوه ابدا ..
فيه الوان متكرره ومالها داعي ..
يتناثر وانا ما احب اللي يتناثر !
الالوان لما اخذها باصبعي ي سلام خياليه .. لكن بالفرشه تطير نوعا ما ..
حبيت الشيمر اكثر من المات ..
ماعدا الوان المات البراون والاسبريسو حبيتهم ..
الشيمر الوانه حلوه و صبغي اكثر () ..
والشي الحلو فيه بالنسبه لي ان فيه الوان حلوه للاضاءه ..
ولون بني مات للحواجب ..
الباليت موب سيئ ولا هو ممتاز وخيالي ..
بالنسبه لرأيي خذ اكبر من حجمه ..
اعطيه تقييم 7ونص من عشره ..
حلو لو كنتي تحبين الخفيف ومايهمك انه يكون بقمنتد مره ..
وعلى سعره يعتبر كويس ..
من كثر ما انا مصدومه واحس المشكله فيني .. رحت اطلب باليت لوراك برو ون !!!
ابي اشوف نفس الكواليتي ولا لا !!
وحده من البنات ناسيه اسمها .. كانت تقول انها انصدمت من جوده الميغا .. وانها مختلفه عن البرو ون و تو !!
اذا جربت اللوراك برو ون ان شاءالله كتبت لكم رايي ..
ويارب احب اللوراك ميغا زي ما الناس حابينه ومايستغنون عنه هههههههههه!!
احس اني مخذوله :(
وبس ..
نشوفكم على خير ..
اسعد بتواصلكم ::
ايميل : Aljawharah36@gmail.com
انستقرام : @joj36
تويتر : @aljawharah_al
ليست هناك تعليقات:
إرسال تعليق