رأيي المبدئي في فاونديشن مايبلين فيت مي + برايمر لوريال لومي ()

ووودي

امس كنت ابغى لوك خفيف و #ديوي وسريع ..

فجربت اساس فيت مي من #مايبلين رقم الدرجه ١٢٠ هي اغمق مني ..

يوم حطيتها على يدي حسيتها بتكون غامقه مره فقلت اخلط درجه ١٥ معها ..

خلطت معها هذا البيس واللي بنفس الوقت برايمر من لوريال شبيه لستروب من ماك لكن هذا اضاءته اوضح بكثير .. هو مو قليتر  لا بعطيك اضاءه صحيه مره حلوه .. طايحه فيه من يوم ماوصيت عليه باجازه عيد الحج .. تقدرين تستخدمينه قبل او بعد الاساس او تخلطينه مع الاساس او تحطينه لحاله على وجهك بدون اساس .. ماعلينا نسوي له ريفيو لحاله ان شاءالله بالمستقبل 😄..

حطيتهم ب هالفرشه شبيهه ل سيقما اف ٨٠ .. من ماركه امريكيه ناسيه اسمها لكن مشهوره بامازون وسعرها رخيص  وتجي سيت كامل 

وللاسف ان مو مكتوب عليها اسم الماركه 💔 ا

#لاساس كتجربه للمره الاولى حلو جدا .. هو خفيف  وسايل -

 عطاني لوك ديوي طبيييعي - اختي كانت تتوقع اني ماحطيت اساس - من وجهه نظري تغطيته متوسطه  مايصلح للي فيهم اثار او تصبغات بوجههم .. انا ماحطيت الا طبقه وحده ف اعتقد لو حطيت طبقه ثانيه ممكن يعطيني تغطيه اكثر .. او لو خلطته مع اساس اثقل شوي .. 

عموما حبيته .. وعشانه خفيف وسايل ف سهل مره بالدمج ولا ياخذ وقت ..

اعتقد انه بيكون صديقي اذا مالي خلق وابي شي سريع ..

 جربتوه ؟ طيب كيف حبيتوه ولا مادخل مزاجكم😄 الاساس طلبته من درق ستور وهو موجود في سنتر بوينت والصيدليات اللي توفر مايبلين ..

برايمر لومي ماجك من لوريال من لندن ما اعرف اذا موجود  عندنا بالرياض او لا صراحه ..

 بالنسبه للتعليب حقي للاسف بدون ضغاط :( 

ما ادري لانه من امريكا كذا طريقه تعليبهم او اصدار جديد ؟ 

لان كنت اشوف مع البنات بضغاط .. 

(بالسواتش الالوان شوي رايحه ع اصفرلان اضاءه غرفتي اصفر 😭) 

اسعد بتواصلكم ::

ايميل : Aljawharah36@gmail.com

انستقرام : @joj36

تويتر : @aljawharah_al