السلام عليكم ..
كيفكم ي جميلات .. يارب كل اموركم تمام ..
انا احب اشوف بوستات مشتريات وانبسط فيها كثير صراحه ..
ما ادري اذا كنتم زيي او لا :)
اليوم التدوينه عن مشترياتي الشهر اللي فات اون لاين من ( امازون و درق ستور و بيوتي ) والشركه الناقله هي وورلد شيب ..
بسم الله نبدأ ..
زووم ان على الاشياء..
اول شي كان ال لوراك ميغا برو وعشانه أجلت شحنتي ما رسلتها للرياض استناه ينزل للبيع .. كنت مره متردده اخذه او لا ..
والحلقه الاخيره اخذته ..
لسى ما استعملته زين .. بس شوي من الالوان الطبيعيه بالاخص اللي اسمه براون واسبريسو وكريم
هذي الالوان فيه 32 لون واخذته من امازون ..
وللاسف ان وصلني لون واحد مكسور وصلحته بفكس بلس ..
هذا الشي الحلو قد شفته عند منال بلوق .. فكرته انه يثبت لك الملابس مدري شلون اوصف لكم لكن ابحثوا عن اسمه وبتلاقون صور توضح لكم الفكره .. خذيته من الدرق ستور ..
عشان اسهل عمليه العرض راح اوريكم كل ماركه و وش خذيت منها :)
نبدأ ب مايبلين فعليا خذيت كثير منهم ههههه !!
حابتهم هالفتره ..
اول شي هالكونسيلر انستانت ايج خذيت نوعين العادي والابيض
الابيض حسب مافهمت انه كونسيلر ومعالج مع الوقت فيه فيتامينات وهيك ..
اخذت لايت و ميديم و فير/لايت بديت استخدم واحد والبقيه باك اب للمستقبل ..
بعذ الدرجات اخذتها من امازون وبعضها من درق ستور
برضو خذيت من نفس الاين اساسهم .. اعتقد اني ماخذه درجه لايت :)
من امازون
الشي الجميل هذا اخذت واحد لي باك اب والثاني جبته لاختي الجميله () لانها شافته علي وعجبها ..
سبق واشتريت واحد من سنتر بوينت ب 40 اتوقع ..
هو ايلاينر على شكل قلم والراس حقه نحيييف جدا .. سواده حلو وبسرعه ينشف و الشي الحلو وبنفس الوقت مو حلو ان الراس زي ماقلت لكم نحيف مره ..
حلو من ناحيه انه راح يزبط حدود الرسمه بشكل حاد ..
والمو حلو بالنسبه لي انه يرسم خط نحيييف جدا :) يعني لو كنت ابغى خط عريض لازم اعيد على السماكه ..
مع ذلك مره حلو انصح فيه .. من درق ستور
من زمااان وانا ابغى اجرب الاساس حق خط فيت مي بعد ماجربت كونسيلرهم الجميله ..
فقررت اطلب هالدرجتين .. سويت عليه بوست مبدأئي ورايي بتجربتي الاولى له ..
من امازون
الحوب هالكونسيلر ..
عندي درجه 15 وعلى وشك تخلص فقلت لازم اطلب لي بباك اب و اجرب درجات زياده ..
عني اخذت حبتين من 15 و 10 و 25
و اخذت ل اختي 15 وبنت خالتي الحلوه 25
مره جميل الكونسيلر وخفيف()
بعض الدرجات من امازون و بعضها من درق ستور
نجي ل ريل تكنيك ..
اخذت اسفنجتين باك اب
وفرشه الايلاينر السيلكون .. بالمناسبه مررره حلوه ماتوقعتها كذا .. كتبت رايي فيها ع الانستقرام .. من درق ستور
من ارديل اخذت :
رموش للاطراف ..
وفرشه الحواجب هذي ..
كنت ابغى حقت انستازيا لكن كانت سولد اوت وطحت على حذي وعجبني شكلها فقلت اطلبها .. من امازون
من ايلف اخذت :
قطره الايشادو حقتي ضايعه وانا ما استخدمتها فطلبت لي جديده مررره حلوه وبرضو كتبت عنها بالانستقرام ..
جل ايلاينر اسود , عندي واحد ولونه باهت ماعجبني وعلى كثر المدح اللي جاه شكيت ان حقي كان مضروب .. فطلبت لي جديد وفعلا حلو مرره وكريمي مره وسلس بالاستخدام ..
روج مات لون ناتشورال .. اللون صراحه ماتوفقت فيه مره فاتح ..
واضاءه جميله جدددا ()
كلهم من درق ستور
اخذت من ريميل هالارواج :
واحد درجه 103 ومرره جميل ..
والثلاث البقيه درجه 104 عندي واحد ولا حصلته بالرياض وعلى وشك يخلص اخذت لي واحد باك اب و الاثنين البقيه خذيتهم هدايا لبنات كانوا يسألون عن روجي ()
من درق ستور
من لوريال اخذت :
فاونديشن ترو ماتش
احترت بالدرجات ف اخذت ثلاثه الوان
N2 -N3 -W2
جربت واحد منهم والله جميل () ..
من امازون
الماسكرا الي اتوقع اني دااائما بارجع اشتريها ..
دايما اشوف الجميله ترتر ( البلوقر امل ) تتكلم عنها .. وانسى اطلبها ..
طلبت لي ثنتين لاني متوقعه انها بتكون حلوه .. وفعلا مره جميله ..
هالنوعيه للاسف مو موجوده عندنا بالرياض ..
من امازون ..
من انستازيا ..
الدرجات في بيوتي مره مخلصه ولا عجبتني ف بعضهم طلبتهم من بيوتي وبعضهم من امازون ولا اذكر اي واحد بالضبط :)
خذيت جل الحواجب لي درده تشوكلت و ل اختي ميديم براون ..
واخذتي بودره الحواجب دارك براون ..
اختي ماجبت لها بودره لان من شهرين جايبه لها ثندر من الاماسكا ()
كوفر قيرل يقولون ان صاحبها نفسه صاحب ماكس فاكتور والعهده على الراوي ههه :)
قد جربت ماسكراتهم وحبيتها ..
الفاونديشن عليه مدح فاخذت واحد اجربه
من امازون
من امازون خذيت مجموعه هالفرش للاسف اني ما اذكر اسم ماركتها :( ومومكتوب عليها ..
خذيت واحد لي و لاختي ..
اخر شي جهاز الريترو هذا من بيد هيد ل اختي ..
دائما تقول لي اطلبي لي جهاز ريترو .. واقولها ما لقيت للحين ماركه صاحيه تعطيني نتيجه نفس اللي في بالي :(
ف من خلال بحثي لقيت افضل شي هذا ..
فالخطه كانت اني اطلب واحد لها .. واذا اعجبنا طلبنا لنا انا واخواتي هههه ..
عاد بيني وبينكم تحسفت اني عطيتها اياه جربته على خصله وحده وحبيت النتيجه ..
باطلب لي قريب منه ان شاء الله ..
وبس
هذي كانت مشترياتي بشهر اكتوبر ..
شهر الاختبارات والنفسيه الدمار ف الواحد يلعب على نفسه ويطلب اون لاين ويتوهق بعدين ههههههه..
قولوا لي وش حابين البوست الجاي نتكلم عنه ؟
وتحبون هالنوعيه من البوستات اكثر منها ولا نتجاهلها ذذ ؟؟
اي اقتراحات عندكم ارسلوها لي ..
و لو تبغون تشوفون الريفيوات اللي كتبتها ع الانستقرام ادخلوا هاشتاق #الجوهره_ريفيو ..
او تابعوني @JOJO36
في امان الله ()
اسعد بتواصلكم ::
ايميل : Aljawharah36@gmail.com
انستقرام : @joj36
تويتر : @aljawharah_al
ايش الحل مع الفاونديشن لما يطلع مره فاتح ، فكرت اضيف له قطرات من فاونديشن اغمق بس خفت يخرب !!
ردحذفايه لو عندك اساس اغمق اخلطيه معه ..
حذف