كيف تصلحين شادو او بلشر او بودره مكسوره عندك () D.I.Y

#ووودي 💓

قبل امس جيت استخدم هايلايت ماري لو واكتشفت انه متكسر 💔😢

اليوم صلحته وقلت خل اصور الخطوات سريع سريع يمكن احد يستفيد 😘🌸 رقمت الصور اسهل لكم 💓

راح تحتاجين ل علبه تحطين فيها المنتج المكسور+ ورقه+ حاجه تضغطين بها+ماده تخلطين بها المنتج فيه عده خيارات " فكس بلس من ماك - كحول من الصيدليه-قطره عدسات "سبق واستخدمته وزبط معي" - مستحضر خاص لهالشي واليوم استخدمت واحد من كيكو" 

١- هنا واضح كيف كانت حالته ..

٢- حطيت المنتج المكسور في علبه وراعيت انها تكون عميقه عشان افتته براحتي ولا يطير 😅

٣- ع اليمين المنتج من ماركه كيكواسمه mixing solution - وع اليسار بعد مافتته كويس بحيث يكون كانه بودره ..

٤- حطيت كميه من حق كيكو عليه وحاولي بالبدايه ماتكثرين وتخلطين وكل شوي زيدي اذا حسيتي انه يحتاج  هنا واضح كيف قوامه صاير رطب ..

٥-  حطيته في علبته الاصليه يستعد للضغط😅👏 يتبع بالصوره الجايه 

💓🌸

٦- حسب شكل عبوه المنتج اللي عندك جيبي شي نفس شكله عشان تضغطينه به - دورت شي يكون نفس قطره بالزبط واستخدمت هالعلبه حقت زبده جسم من باث اند بودي ، ومررره زابطه عليه 👏

نقطه مهمه هنا انك تحطين بين المنتج حقك و الشغله اللي بتضغطين بها ورقه .. ليه؟ عشان يمتص السوائل الزايده - جربت احطه على طول ونصه لزق بالعلبه يوم شلته😂🔪- اضغطي بقوه وحاولي تكونين ضغطتي كل الجهات ..

٧- اذا شلتي الورقه بتلاحظين ان لزقت فيها كميه وهذا شي طبيعي - لا تكبينه!! رجعيه لنفس العلبه وساويه عشان مايكون متكتل بجهه غير عن الثانيه  وارجعي اضغطططي  لين ماتوصلين للشكل اللي يعجبك ويرضيك😅💓

٨-  هنا شكله بعد ماخلصت 👏💓

٩- بعد ماطحنته خذيت لي شوي بعلبه صغيره 😅 سبحان الله قبل كم يوم كنت اسولف مع الجميله وفاء@theartistichands 💓 اقولها ودي ببيقمنت نفس لون ماري لو عشان اخلطه مع الفاونديشن 😳 وقلت فرصه خذي شوي دامه تكسر😅💓

وبس 💓😁

ان شاءالله فيه احد استفاد من الطريقه 💓 ويارب محد تتكسر اغراضه ويحتاجها 😭💔

اسعد بتواصلكم ::

ايميل : Aljawharah36@gmail.com

انستقرام : @joj36

تويتر : @aljawharah_al