السلام عليكم ..
يارب تكونون ومن تحبون بخير ..
بوست اليوم عن افضل المنتجات اللي حبيتها واستخدمتها بكثره في سنه 2014 ..
المنتجات شوي كثيره ..
لكن فعليا كل واحد فيهم حبيته جدا وماندمت اني شريته ..
نبدأ بالعطور اللي لاحظت اني استخدمهم دايم ..
ويكونون خياري الاول بالمناسبات ..
كوروماندل من شانيل و فيزا ..
و عطر فكتوريا سيكرت اسمه .. secret charm
هذي ثاني علبه استعملها هالسنه .. ريحته هاديه وبارده استخدمه للصباح
و هيبنوتك ديور بويزن ..
اما بالنسبه للشعر ..
ماسك وكريم الشعر من لوريال رااائعين جدا ولا اقدر استغني عنهم ()
فرشه تانقل نيزر العظيمه الحبيبه ()
و شامبو هيد اند شولدرز .. قبل فتره صار في شعري قشره ولا شي سوا نتيجه حلوه معي زيه ..
ودام نتيجته فعاله حرصت ان بعد كل ثلاث شهور من استخدامي له استخدم شامبو ثاني غيره .. عشان مايفقد مفعوله ..
ثم ارجع له مره ثانيه .. وهكذا ..
زيت الجوجوبا جميل جدا وعلى وشك يخلص .. استخدمه لجسمي ترطيبه جميل ومايضايق على الجسم ..
نجي للميك اب ..
بالنسبه للوجه ..
اسفنجه ريل تكنيك
فاونديشن ريفلون كولورستاي درجتي 110 كل مايخلص لازم ارجع اشتريه ..
واخلطه مع فاونديشن ماك ستديو فكس درجتي nc15 ويوازن لي الدرجه
فاونديشن ترو ماتش " سقط سهوا بهالصوره مسكين :( هههه شوفوه بالصوره الجماعيه " درجه n2
البي بي كريم حق فلورمار درجه 01 مسكين انهلك واختفت اثار الكتابه عليه ..
الفكس بلس من المنتجات اللي ما استغني عنها ..
اما الكونسيلرات فهم كلهم من ميبلين ..
فيت مي درجه 15
والثاني درجه لايت ..
اما الاضاءه ف اللي حسيتني استخدمتهم بكثره هم ..
ماري لو من ذابالم
و من فورايفر52 درجه 004
الشادو
اروح وارجع على نيكد 1 لازم بكل لوك استخدم لون منه ..
والثلاثه سبق تكلمت عنهم في الانستقرام شوفوهم في هاشتاق #الجوهره_ريفيو و #الجوهره_سواتش
من كيكو شادو رائع رائع رقمه 200
شادو كريمي من ايلف اسمه festivity
شادو منثور من ميك اب فور لايف رقمه 017
وقطره الشادو من ايلف ..
البلشرز ..
لاحظت اني اعلق ع هالالوان وواضح انهم يشبهون بعض ..
اكثر شي استخدمه هو داون بوي من ذا بالم .. كل يوم لازم احطه في الجامعه .. يعطيني لوك طبيعي جدددا ..
و من نكس الكريمي اسمه قلو
والباودر اسمه موكا
ومن الاماسكا اسمه hussy
احبهم جدا جدا .. واحب اللوك اللي يعطوني اياه ..
نجي للارواج ..
من اليمين مرطب من burt's bees اسمه روز
من اوفيس لونه روز طبيعي مات ماكانك حاطه شي .. رقمه ٠٢
ثم من ماركه اسمها ريد & بلاك درجه 03 احمر احمر احمر فضييع مات برضو
ومن فورايفر 52 رقمه slc-11 لونه توتي اهم المناسبات والزواجات اللي حضرتها في هالسنه ما استخدم الا هو .. مات برضو
الثلاثه اللي فوق كلهم اخذتهم من الكويت وكلهم مات وثابتين ..
بعدهه الليب تنت من ريميل درجه 600 .. شبه يومي استخدمه واحطه قبل الارواج فضيع ..
ثم روج مات وثابت جدا جدا من فورايفر 52 درجته fl14
ثم ريفلون المات درجته 225
والمحددات من كيكو رقمه 703
ومحددين من ريميل 011 و 014
اما الارواج العاديه ف من ريميل درجه 104 و 103 درجات صباحيه بامتياز
و من ويت ان ويلد 905 و 904 ورديات
ومن ايسادورا 05 عنابي توتي مات
ومن باري ام روج سحري يقلب وردي فضييع وثاابت درجته 250
ومقشر ايلف العظيم
هالمناكير الحلو يفوز باحسن مناكير واكثر استخدام بالنسبه لي ..
من ايسنس عنابي رقمه ١١٣ ..
اما بالنسبه للاكحل ..
الكحل الاسود :
ايلاينر ذابالم اكيد افضل واحد واكثر واحد اعتمد عليه ..
وجل لاينر ايلف الاسود
الكحل البيج من سيفورا درجته 07 حلو مره مره
ومن فور ايفر 52 كحل بني فيه شوي شيمر اسمه f516 احطه على الرموش السفليه وادمج فضيع ..
وايلاينر من الكويت ماركته اسمها miss &mrs درجه 04 فيه قليتر وهو صاير برونزي على عشبي شوي ..
اما بالنسبه للحواجب الاكثر استخدام فعليا ..
باليت الحواجب حق ويت ان ويلد فضيييييع
و ماسكرا الحواجب الشفافه حقت ايلف خلصت طبعا :(
و بودره انستازيا دارك براون
وجل انستازيا تشوكلت
من يوم ماشريتهم وانا استخدمهم وحابتهم مره ..
اما الماسكرا ..
مايحتاج اقول ان ايسادورا بيق بولد هي افضل وحده اعتمد عليها
ثم بعدها لوريال .. ثم كوفر قيرل الخضرا وخصوصا للرموش السفليه ..
و عاقص الرموش الجميل من ايلف فعلا ممتاز ..
بالنسبه للفرش ..
ما احس فيه شي علقت عليه كثر هذولي ..
فرشه الحواجب حقت فورايفركانت جايه مع التاتو ..
وفرشه الحواجب من ارديل لها طرفين من يوم ماشريتها وانااستخدمها ..
فرشه الستبلنق من ريل تكنيك استخدمها للبلشر الكريمي والبلشرات اذا كنت ابي طله خفيفه عشانها ماتاخذ منتجات كثير ..
وفرشه طلبتها من امازون ضمن سيت كامل مالها ماركه .. شبيه ب سيقما اف 80 استخدمها للفاونديشن ممتازه ..
اما الفرشه اللي احبها للبلشر هي البفنق من ريل تكنيك يعجبني حجمها وتوزيعها ممتازه ..
وبس ..
يارب 2015 تكون سنه خير علينا وعليكم ()
منشنوني ع مفضلاتكم .. احب اشوف المفضلات وتحمسني اجرب منتجات جديده ()
اسعد بتواصلكم ::
ايميل : Aljawharah36@gmail.com
انستقرام : @joj36
تويتر : @aljawharah_al
ليست هناك تعليقات:
إرسال تعليق