السلام عليكم ..
كيفكم ي حلوات..
حبيت اوثق هنا مشاركتي في هاشتاق #افضل_ثلاثين منتج ..
عشان يكون مرجع للي تحتاج شي 💓
احب هالنوع من الهاشتاقات لانها تعرفني ع منتجات جديده او تفتح عيني ع منتجات عندي ولاحبيتها :)
وبرضو تعرفني ع ناس نفس ذوقي اذا كان فيه منتجات مفضله مشتركه بيننا ...
مبدئياً تكلمت عن ٩ منتجات :)
ريفيو سريع (كريم لوريال للشعر-دراي شامبو-ماسكرا ايسادورا- صابون +شموع باث اند بودي - روج سحري -عكافه رموش- مرطب شفايف -فرشه تانقل تيزير)
بالنسبه لي هذا افضل منتج يفك تشابكات الشعر ويعطيه منظر حيوي وسعره رخيص وسهل بالاستخدام 💓👏
ولازلت اتكلم عن منتجات الشعر 😸
افضل دراي شامبو جربته هالماركه من بوتس ..
بالنسبه لي احب الريحه اليسار ..
اليمين ريحتها ورد بقوه واحس انها تعور خشمي 😓
بنت خالتي العكس تحب اليمين اكثر .. الدراي شامبو مو انك تستخدمينه لو شعرك من الجذور بادي يزيت 👯
لو حابه يكون فيه فوليوم جربيه 👏
لو كان شعرك هابط بضو ممتاز له!
زمان الزمانات قبل ٥ او ٦ سنين ماكان عندنا دراي شامبو الا حق سيفورا اذكر كان ب ٤٥ وعلبه صغيره وعلى طوووول يخلص !!
هذا حجمه كبيييير ب ٤٥ او ٥٠ مو متاكده مره 😸 ويطول معك جدا!! فيه منه حجم صغير ان ماكنت غلطانه ب ٣٥ .. نص حجم هذا ! بالنسبه لي اوفر الكبير .. فيه منه للشعر البني برضو لكن كل ماجيت اخذه اهون 😸
وعلى طاري الدراي شامبو سمعت عن دراي شامبو من ماركه تريسمي وانا هالماركه اقدرها جدا 👌
لكن درررررت اغلب السوبرماركت الكبيره بالرياض الدانوب والتميمي وهايبر بنده وكارفور! واكثر من فرع ولا لقيت له اثر 💔
اذا فيه احد مجربه يحكي لنا تجربته💓 برضو قريت تجربه وحده تقول انه يهلي الشعر كيرلي 😳!!
يعني لو كان شعرك كيرلي وانتي مسويته ستريت ،، وبخيتي منه راح يقلب شعرك كيرلي 😳😱😅!!
عاد انا شعري مو كيرلي مدري وش بيصير معي 😂
طولت عليكم لكن الدراي شامبو مست هاف والله 👌
ولي سنينننن استخدمه ولا عمره حسسني او جاني منه اثار جانبيه الحمدلله 👌
نقطه اخيره بس ابي انبهكم لو استخدمتيه كثيييير وانتي لسى ماغسلتي شعرك فيه احتماليه انو تطلع قشره وقتيه 😊..
#ترا_علبه_مخلصه 😸
احلى #ماسكرا ممكن تجربونها!! يمكن هذي سابع وحده افتحها !!
واذا خلص المخزون الاحتياطي حقي ما ادري وش باسوي 😢💔
مو متوفره عندنا بالسعوديه ..
لكن تلقونها في #بوتس (الكويت-دبي-قطر) وتلقونها بالكويت ب فاڤووم ..
اسمها (بيق بولد- من ماركه ايسادورا )
روحوا اشتروها الان 👏💓
صابون اليد من باث اند بودي بمختلف الروائح وبكل النوعين الرغوه او اللي فيه سكرابز ..
من افضل المنتجات عندي 💓👌
ضروري تجربونهم بتحبونهم 😍👌
شموع باث اند بودي ج م ي له جدا👌
وفواحه جدا
افضل مرطب من هالماركه 👌
ترطيب قووي وهو تينت بنفس الوقت ..
فيه لون مشمشي تقريبا "شوفوا السواتش"
شريته من موقع درق ستور 💓
ولازلنا في الرموش 😸
عكافه او عاقصه او لفافه الرموش او Eyelash Curlers 😛
من ايلف e.l.f مررررره حلووووه !!! جربت كثير لكن هذي احلى وحده صدق تلف الرموش من قلللب !! والاجمل انها تظل ثابته موب استهبال خمس دقايق ثم ما كانك سويتي شي 😁.. احيان استخدمها حتى بدون ماسكرا 😗
لنتيجه افضل قبل ما تحطين الماسكرا استخدميها وبعد ماتحطين الماسكرا وتنشف ارجعي استخدميها النتيجه بتصير بطله 👌
انا اذا حطيتها اعد لين ١٠ او ١٥ ثم اشيلها 😸 واضغط بقوه ! واحيان اذا كنت رايقه اعكف بدايه الرموش من عند الجذور وبعدي اعكفها من النهايه بتكنيك معين ما ادري شلون اوصفه عشان تصير الرموش مره ملفوفه ع فوق 😁
سعرها مررره رخيص حقيقه ما اذكر بكم دولار بالضبط!! لكن مره رخيص 😅..
والتاجرات اللي يوفرونها بالكثير يبيعونها ب ٣٥ 👏
فيه احد قد جربها؟ شرايكم فيها 😸💓
روج سحري من ماركه #باري_ام #barrym
لو فيه مصطلح اقوى من ثابت قلته ممكن يستمر ليوم وشوي 😸💓 اذا حطيتي بالطبطبه صار اللون طبيعي بنكي شوي ..
اذا كثرتي صار فوشي !👌👯
للي يستخدمون الروج السحري الاخضر الان كلكم ارموه 😁 غير انه يسود الشفايف 😷 يعطي لون فوشي قروي 😅💔
اشتروا هذا ! لو مايجي منه الا انه من ماركه ثقه وماراح يسبب لكم مشاكل ان شاءالله 👌
تلاقون الماركه بصيدليه #بوتس
اعتقد انه ب ٤٥ 😁 مومتاكده من السعر مره 😅
+ انتبهوا فيه انواع من الارواج السحريه خذوا هذا اللي من تحت لونين فوشي واخضر 👯 رقمه ٢٥٠
ترا احيانا انا استخدمه ك بلشر 👯 لكن خذي شووووي باصبعك و طبطبي بسرعه ع خدك 👌 عشان مايصير حفله 😅
واحيان احطه تحت الارواج الخفيفه زي الليب بيتر من ريفلون 👏
السواتش حاطه طبقتين منه ..
اكيد طبعا من شفايف لشفايف راح يفرق اللون 😘
فرشه تانقل تيزير 💓
الفرشه بكل حجمينها ماندمت بحيااااتي يوم شريتها 💓
ي انها فكت لي ازمممه بشكل !! هالذهبيه الفخمه حجم صغير 😸
اسعد بتواصلكم ::
ايميل : Aljawharah36@gmail.com
انستقرام : @joj36
تويتر : @aljawharah_al
ليست هناك تعليقات:
إرسال تعليق